رائٹرز کے مطابق روسی رسد میں ممکنہ رکاوٹوں، بحیرہ روم میں سفر کرنے والے جہازوں کے لیے جنگی خطرے کے پریمیم اور تیل کی قیمتوں میں 100 ڈالر فی بیرل سے اوپر جانے کے بعد ایندھن کی بڑھتی ہوئی لاگت کے خدشات پر عالمی ٹینکر وں کی شرح میں اضافہ ہوا ہے۔
رائٹرز کی رپورٹ کے مطابق جمعرات کو امریکہ سے یورپ جانے والے ٹینکروں کی قیمتیں مئی 2020 کے بعد 8 فیصد سے زائد کی چھلانگ لگا کر اپنی بلند ترین سطح پر پہنچ گئیں جبکہ سنگاپور کے مرکز میں ایندھن کے تیل کی قیمتیں 6 فیصد اضافے کے ساتھ 555 ڈالر فی ٹن تک پہنچ گئیں جو 2019 کے بعد سب سے زیادہ ہیں۔
رائٹرز کے مطابق جمعہ کے روز مشرق وسطیٰ سے چین تک بہت بڑے آئل ٹینکرز کے نرخ 4.77 ڈبلیو ایس بڑھ کر 38.82 ڈبلیو ایس ہو گئے جبکہ خلیج عرب سے جاپان روٹ پر صاف تیل ٹینکروں کے نرخ گزشتہ ہفتے 75 ڈبلیو ایس سے بڑھ کر 77.5 ڈبلیو ایس ہو گئے۔
روسی تیل کے کم از کم تین بڑے خریدار مبینہ طور پر روسی حملے کے بعد مارکیٹ کی غیر یقینی صورتحال کی وجہ سے جمعرات کو تیل خریدنے کے لئے مغربی بینکوں سے کریڈٹ کے خطوط کھولنے سے قاصر تھے۔
